【Now財經台】大家樂集團(00341)今日中午發盈喜，股價午後拗腰向上，集團預告中期賺約2億元，按年增長逾80%，單計上半年，盈利已經係去年2倍，如果扣除疫情資助，純利更按年大升近2倍。呢份係經濟重啓後首份中期成績表，呢個盈喜有冇驚喜？
華盛證券財富管理部董事李偉傑認為，盈喜近年比較少見，雖然2020年受疫情影響，大家樂盤數跌得比較犀利，但受惠於「宅經濟」，2021及2022年嘅收入總算托返住，今年已步入復常，撇除政府資助，收益開始有唔錯嘅增長，呢方面係有期望。雖然盈喜冇仔細講到點提升收益，但Jason估計，本港租金出現調整，甚至回落，都對集團有利，亦相信係發盈喜嘅關鍵。
對於港人依家愛北上消費，佢認為對大家樂影響唔大，因為...
