【Now財經台】港股跌勢持續,但有股份逆市向上,當中包括維達國際(03331),據《彭博》報道,新加坡金鷹集團正考慮競購維達。維達今年4月話,持有約52%股權嘅控股股東Essity,其實唔少紙漿巨頭都對Essity嘅持股虎視眈眈,到底維達吸引力喺邊?
艾德金融董事陳政深指,紙巾、衛生用品等始終係必需品,加上維達係行業龍頭,睇返公司毛利率見到集團定位比較高,所以對同業有一定吸引力,依家維達面對紙漿價格不明朗嘅問題,而有意競購嘅公司基本上都掌握木漿產業鏈,應該可以帶來協同效應,從而改善企業毛利率,甚至整體經營狀況。
Ryan又指,依家環球企業唔係一面倒睇好中國長遠發展,短期內能見度亦偏低,但民生必需品穩定性較高,令維達有一定吸引力。