【Now財經台】市場不斷講緊美息「Higher for Longer」，即美國實際利率將持續高企，摩根士丹利指，喺美國實際利率及美元上升下，亞洲區內嘅價值型兼具守性股份會跑贏，大摩篩選咗區內嘅價值型防守股，搵到「增強股息之選」(Enhanced Dividend stocks)，除咗內銀及公用股，仲有國藥控股(01099)、中國中鐵(00390)等工業、醫療、地產股，呢類股份防守性係咪真係咁高？
元宇證券投資總監林嘉麒指，要睇呢啲公司嘅業務穩定性，部份「增強股息之選」嘅股份會受大圍經濟影響，例如中信股份(00267)係綜合類型股份，同經濟周期息息相關，有部分就會受國策影響。
KK又話，亦要留意股份喺依家嘅經濟狀況下，係咪仍有能力維持盈利高增長，而股份波動性亦唔可忽略，因為波幅大嘅股份或會有「賺息蝕價」風險。
