【Now財經台】晨訊科技(02000)今朝裂口高開13%後，一度高見0.31元，大升逾21%，其後升幅收窄，但仍維持逾10%升幅，由於股份平日交投疏落，即使截至今朝11時止，成交金額亦只有逾160萬元，但已足以令成交股數較過去100日同時段平均激增90倍。
公司上日收市後出通告，已跟上海市政府簽訂收地協議，集團其中1個廠房嘅工業用地，由於將被當地政府收回，並獲得7.49億人仔賠償，帶挈集團錄得一筆6.1億人仔稅前收益，同公司依家市值差唔多。
但值得留意係，被收回土地係公司廠房，集團話今季開始會再搵生產線，但對業務有幾大影響仲未知，加上旗下兩條新產品線去年底至今仍未錄得大額銷售，內地上半年手機出貨持續低迷，撇除今次呢筆特殊收益，對於今年能扭虧為盈都唔樂觀。
