【Now財經台】上半年眨下眼就過咗，高息股今年頭6個月表現係點，對下半年又有咩啟示？上半年表現最好嘅高息股，唔少都有「中特估」概念，頭3位依次為中國移動(00941)、中國財險(02328)及中國電信(00728)，全部都累升逾20%。展望下半年，美國聯儲局又話要再加多兩次息，對高息股以至港股整體表現，將會有咩影響？
香港大學房地產及建設系客席副教授楊書健指，中資股上半年表現最好，主要係舊年第4季做得差，反而值得留意係，「股息貴族」排頭位嗰幾隻包括長江基建集團(01038)、友邦保險(01299)都升得唔錯，反映投資者中長線都係聚焦返股份基本面。
Victor又話，雖然美國話會再加息，但市場普遍認為加息周期已接近尾聲，所以都見到美國科技股炒返上去，睇返全球主要市場，2020年至2022年年均總回報僅香港係負數，至於幾時先有起色，佢就話...
