【Now財經台】港股今日又跌過，恒生指數再失守19000關，不過，中興通訊(00763)股價愈升愈有，午後一度高見32.1元，升近10%，衝上逾3年高位，收市報31.4元，升逾7%，全日成交金額逾4億元。
中興股價近日喺高位整固，噚日破頂後倒跌，今日喺上海世界移動通訊大會展出可以協助佩戴者「脫稿演講」嘅「GPT無線AR智能眼鏡」後，股價即逆市炒上，衝上逾3年高位，並繼續沿保歷加通道頂向上行。
不過，產品始終未成氣候，建議投資者唔好貿然因為呢款新產品盲目高追中興，事實上，中興股價今年已累升82%。
