【Now財經台】體育用品股將會喺8月陸續派成績表，滔搏(06110)日前先出咗季度數據，第1季銷售按年增長20%至30%，算唔算交到貨？呢類營運數據可唔可作為同業嚟緊嘅業績好壞參考指標？
耀才證券研究部總監植耀輝指，體育用品股上半年業績都要打定輸數，睇返呢個板塊今年以嚟嘅股價走勢都係差，而且似乎仲未見底。Stanley又話，主要同內需消費動力轉弱有關，因為行業復常至今，仍處於去庫存狀態，需靠拆扣促銷產品，採取薄利多銷策略，因此，唔可以單睇銷售數據。
【專家分析】體品股上半年業績打定輸數
【分析】 2023/06/29 18:01
