【Now財經台】中國燃氣(00384)全年少賺逾40%，已連續5年業績差過預期，但點解股價今日不跌反升？係咪因為業績咁差，投資者博最壞時間已過？
英皇資本財富管理方案研究總監陳錦興指，都唔排除有博反彈嘅可能，因為股市操作一向都係行得比較前，中燃股價今年累跌近20%，但睇返其他燃氣股只係錄得單位數跌幅，除咗反映行業受壓，亦反映中燃業務表現較差，所以業績較差時，投資者就博壞消息出盡去抄底，咁啱大市連跌5日後出現技術性反彈，所以中燃不跌反升其實唔意外。佢估計，當中燃走勢回穩，多咗投資者入市博一博，令股價變得較強勢。
