【股市脈搏】小心！協同通信搞虛擬資產交易平台但未有牌

【Now財經台】協同通信(01613)宣布發展虛擬資產交易平台業務後，股價今朝異動，一度爆升1.3倍，高見0.99元，但之後升幅「腰斬」，暫時成交逾470萬元，成交股數較平日同時段飆80倍。

協同通信主要做自動控制、智慧樓宇系統及電腦設備和機器人等租賃，集團公布，旗下附屬成立合營拓虛擬資產交易平台VATP，附屬持有合營51%股權。

值得留意係，協同通信附屬嘅合營上個月已經開始營運，但仍未有營運VATP嘅牌照，公司通告亦未有提及入股金額或未來發展計劃，股價喺高位顯著回套亦好合理。