【股市脈搏】等奧思技術走勢好轉再諗

【Now財經台】奧思集團(01161)股價今朝高開近15%後，升幅一度略為擴大至逾17%，高見1.6元，其後升幅收窄，成交股數較過去100日同時段平均大增17倍。

奧思噚晚出咗中期業績，收入及純利按年都有得升，其中，純利大增逾倍，並恢復派中期息，去年同期冇派息。

不過，奧思股價近日走勢都幾嚇人，今日大升前，喺冇乜特別消息下連跌8日，噚日更加喺大成交下急挫18%，即使基本因素好轉，但近期技術走勢太差，就算有意做部署，都等到技術走勢好轉，或出現其他買入訊號再考慮。