【Now財經台】異動股宏光半導體(06908)高開4%，早段維持升幅變動唔算大，但開市半個鐘左右，升幅顯著擴大到雙位數，不過，留意上午成交不多，下午返嚟升幅再擴大到近30%，高見1.35元。
國務院國資委上日提到，要支持AI及晶片等企業，積極開展融資上市及增資擴股，內地晶片股早段亦都曾經炒上。
港股呢邊得隻宏光咁大反應，中芯國際(00981)同華虹半導體(01347)只是反覆靠穩，或者因為宏光夠細隻，容易舞高弄低，市值只有7億元，對比中芯1600億元同華虹350億元，市值只係佢地零頭。
股價連升到第二日，兩枝陽燭一枝接著一枝，又有成交配合，睇下係米有機會再炒上，不過，今日午後返嚟走勢為例，30%升幅在短短10分鐘內清零，都說明左股份本身相當容易波動，小注博反彈都要睇到實一實。
