【Now財經台】異動股植華集團(01842)半日最多升21%,見1.21元逾一年高位。
植華集團設計製造同分銷背包同行李箱,明顯係受惠復常嘅股份,三月底公布的全年業績,虧損大減至46萬元,另外,4月中公布出售物業予控股股東,不過股價完全無反映,4月下旬股份成交增多,五月頭股價開始急升,暫時連升到第九日,造緊第九枝陽燭,不過,要留意,股份14天RSI升至90樓上至極度超買水平,成交未能配合,暫時近半日成交逾6000萬元。
植華集團2019年中上市,至今業績持續見紅,今年有望藉疫後復常業績扭轉虧損,但近期股價急升則較難解釋。
呢隻股份股價走勢較波動,難捉摸,去年由毫子股炒到上2蚊樓上,又突然單日暴跌逾80%,市場曾將佢形容為「妖股」,近期股價再度急升,未有盈利下市值都炒到10億元以上,基本因素唔係太配合。