【Now財經台】年年卡(03773)股價已連跌3日，今朝輕微低開不足1%，但好快跟隨大市倒升，午後仲愈升愈有，尾市一度升15%，高見1.37元，衝上逾3年半高位，收市報1.35元，升逾13%，成交股數較過去100日同時段平均大增3倍。
集團噚日收市後出通告，指計劃改名為銀盛數惠數字，睇返公司年報，曾經喺2021及2022年同銀盛通信有兩單關連交易，而銀盛通信年年卡第一大股東林靜云嘅兄長持有，今次年年卡建議改名為銀盛，估計同大股東家族業務強化關係嘅傾向有關，值得留意係，年年卡去年4月公布2021年全年業績後不久，股價曾經喺大成交下急挫，投資者入市前要留意交投有冇異動。
