【now.com財經】今朝揀咗隻恒指牛(54609)出嚟，Set好如果五分鐘圖上見指數上到保歷加通道中位的話小注出動，否則等Slow STC(14,3)出Swing。
成朝指數其實唔多點郁，事關見到佢喺五分鐘圖上其實行緊個「平頂三角形」出嚟，等到11點20分，終於都確認到指數上破保歷加通道中軸，終於可以將隻(54609)放落場。如常的用10分鐘時間作為買貨時間的話，即以11點20分至11點30分，按(54609)期內高低位做過0.062元/0.057元計，平均買入價為0.0595元。落場後同時見到保歷加通道口有拓闊，Slow STC(14,3)兩線呈上，終於方向都正確啦，(54609)半場收報0.064元，暫計有五格落住袋先。
下半場開市後，見指數有稍稍向下，未見Keep住之前個度上行之氣，怕且都要set定走貨位。依家1點4分，見恒指稍稍回落到50分鐘線(五分鐘圖10線)，而Slow STC914,3)兩線亦見有高位回落嘅情況。既然當初係以五分鐘圖條保歷加中軸過線而出好倉嘅，同樣地都可以Set返以失中軸為走貨位。咁筍唔穿嘅，唔過夜咪用臨收市前嗰10分鐘嚟收網囉。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
