【Now財經台】噚日市傳中國最快4月恢復進口澳洲煤炭，並計劃先比寶武集團、大唐新能源(01798)、華能國際電力股份(00902)及中國能源建設(03996)買澳洲煤，消息刺激個別煤炭股造好。電力股方面，雖然已經炒咗一段時間，但個別仍繼續發力，究竟內地恢復進口澳洲煤呢個消息，仲可以炒幾耐？
資深證券業人士溫天納指，輸入澳洲或其他地方嘅煤碳，都有助穩定市場供應，對於要不斷燒煤發電嘅中國而言，一定係好事，不過，海外煤碳競爭力比中國大，因此，要留意恢復進口係一次性，還是係一項長期政策，因為會壓制內地相關企業嘅經濟利益及發展。
電力股方面，溫天納認為，喺冬天做部署較著數，始終冬季嘅電力需求會比較大。
