【Now財經台】台式茶飲品牌「天仁茗茶」香港代理商賓仕國際(01705)發盈喜,今早高開8%,股價再衝上,最多升36%,高見0.32元。
公司料今年9月底為止中期盈利將介乎1900萬至2100萬元,較去年同期賺620萬元,增長最多2.4倍。
賓仕國際話,純利大幅增加主要由於收到政府2022年保就業計劃的工資補貼約970萬元,而且日圓及新台幣兌港元貶值,令採購成本降低,集團分銷業務毛利率有得升。若扣除一次性的補貼額,盈利只係介乎930萬至1130萬,按年只多賺超過1倍,無2倍咁多。
留意兩周後公布中期業績,雖然今日股價急升,但周線圖見股價仍在低位徘徊,而且成交疏落,今日有好消息,暫時成交唔夠20宗,成交金額只有幾萬元。除咗高追有風險外,買入後想甩貨嘅難度都要注意。