【股市脈搏】睇一個指標！德永佳股價要唞唞

【Now財經台】德永佳集團(00321)中午出咗中期業績後，股價午後一度抽升近10%，高見1.23元，收市報1.2元，升逾7%。

集團營業額及純利都跌逾18%，但毛利微升0.5%，而中期息較舊年大增25%，派10仙。

股價方面，德永佳今日升穿50天線及保歷加通道頂部，14天RSI已升至74嘅嚴重超買水平，對上一次升到咁高水平，股價都要先唞一唞，最緊要仍要睇防疫措施幾時放寬。