【Now財經台】藍河控股(00498)主席劉高原喺舊年3月以每股0.495元，近乎沽清手上持股，公司今朝出通告，指將交還保華建業10%投票權，同埋計劃出售保華建業近30%股權比保華建業副主席陳佛恩，但估計有機會被否決，因為佢上年沽貨後，公司有兩大動作都畀港交所(00388)上市科否決，點睇公司由舊年想收購，到今年想出售呢個咁大嘅轉變？
《香港股票財技密碼》作者梁杰文指，藍河嘅策略係奇怪，舊年想收購保華建業做獨立第三方，由附屬公司董事去收購，明白公司持有接近一半股權，想將保華建業變成全資附屬公司，但比港交所捉住痛腳，本身涉及劉高原公司前主席減持，涉及上巿規則14.6嘅禁忌，牽涉到反收購，公司最終要放棄單交易，1年後，較奇怪嘅係公司出通告話想減持或出售保華建業持股餘下近30%股權，會覺得佢舊年想增持，今年就希望唔想做，呢啲通告都有交代，雖然保華建業定單愈來愈多，但營運資金需求急增，不過，公司唔想承擔額外營運資金，反而選擇出售保華建業嘅持股，呢個情況幾有趣，係附屬公司生意太好，但母公司唔想承擔額外資金，竟然揀出售佢。
