【Now財經台】喺一眾回吐的新冠醫藥及疫苗相關股之中,康寧傑瑞製藥-B (09966)逆市向上,開市低開2%,報6.02元,到後期一路抽升到7.63元,升幅有成24%咁多。
受惠於國內醫保談判將創新藥納入目錄,而創新藥新增適應症也同時納入醫保中,價格降幅有望收窄。另一方面,佢哋研發的全球首款皮下注射抗癌藥PD-1同PD-L1,去年也獲國家藥監局批准上市,仲有兩款會係出年同後年遞交上市申請。
康寧傑瑞股價早前跌穿6元之後,吸引資金低吸,今日再突破咗100天線,但仍然要看六月左右的下降趨勢線,對股價有幾大阻力。