【Now財經台】阜豐集團(00546)高開2.6%後，好快就轉跌，一度挫逾13.4%，低見3.92元，收市報3.94元，重挫約13%，錄得5年以來最大單日跌幅。
集團指，喺美國北達科他州買咗一幅地皮，準備係興建生產動物營養產品嘅工廠，但冇提及收購價，有報道指，公司用咗數百萬美元買入呢幅地皮，打算投資7億元發展，不過，地皮十分接近當地空軍基地，引起當地人戒心，暫時仲未擺平事件，加上中美關係緊張，影響中資企業喺美國嘅發展，因此，投資者都喺阜豐業績後趁好消息出貨。
早前，阜豐股價喺高位遇阻，近日連100天線都守唔住，今日仲單日轉向，走勢都唔係太好。
