【Now財經台】山高新能源(01250)今朝高開逾4％後，升幅一度擴大至逾17%，高位見0.054元，成交股數較過去100日同時段平均增近4倍。
集團易主後終於有新動作，噚日出通告，同間接控股股東山東高速集團簽訂了不具法律約束力的合作備忘，講明會成為集團發展清潔能源嘅「重要載體」，又提及要合作打造交通加新能源發展新模式。
山東集團5月正式入主後，山高新能源股價仍冇乜起色，一直喺7仙、8仙水平上落，及至上周三開始異動，上周四及上周五以大成交下跌，兩日累跌逾20%，今日即使有成交配合反彈，但要留意上面提及嘅備忘錄係冇法律約束力，未來要留意集團會唔會有更多背靠母企，又具體嘅發展大計。
