【Now財經台】截至早上11時止 ，1小時內《彭博》用戶關注度上升最多港股，依次為金沙中國(01928)、路勁基建(01098)、銀河娛樂(00027)、澳博控股(00880)及新鴻基地產(00016)。
噚日永利澳門(01128)股價大跌兼上榜，市場揣測係咪同續牌問題有關，雲頂突然殺出爭澳門賭牌，變成7家公司爭6個牌，意味現時6大牌主中，可能有1間續唔到牌，不過，賭股今日全線反彈，噚日係咪只係虛驚一場?
大華繼顯執行董事梁偉源指，傍晚就會啟動開標程序，其實投資者只係淡市下揀賭股炒，今日多隻賭股中，永利升幅相對細，反映市場對永利續牌係有擔心。Steven話，睇返過去20年，好多間博彩企業投資咗唔少錢喺澳門，如果政府最終畀牌雲頂，而唔畀某一間現有博企，中間可能涉及政治因素，所以都要留意今日傍晚嘅情況。
