【Now財經台】Tesla相關股午後受壓，不過，華為電動車相關股如浙江世寶(01057)H股大升，A股更漲停板。
今日有報道指，華為有意重整分散嘅產業鏈，準備加快汽車供應鏈嘅國產替代進程，自然令人聯想到有利浙江世寶。
浙江世寶股價今朝高開逾1%後，愈升愈有，升幅一度擴大至近11%，高見1.72元，收市升9%，報1.69元，全日成交金額逾2700萬元。
浙江世寶股價一度6月約1.2元，推高至3元樓上，但喺見頂前幾日，有控股股東減持A股，至6月底A股更因為股價異常須停牌進行核查，約5個交易日後復牌，但期間H股冇停牌，當然成為沽貨對象，投資者想追入都要留意股價波動情況。
