【股市脈搏】三生製藥再有股東掟貨？

【Now財經台】老牌藥企三生製藥(01530)股價今朝低開逾2.6%後，跌幅一度擴大至逾7.5%，低見5.27元。三生開市前有大手交易，成交股數較過去100日同時段增5倍。

三生開市前共錄得4宗大手交易，涉及1.62億股，每股造價5.7元，由於有大手成交上板，惹嚟股東減持疑雲，其實月初曾有股東減持，當時在場內以每股平均價5.24元，減持216萬股，後續要留意公司仲有冇相關消息。

三生上星期升穿6月延伸出嚟嘅下降軌，要留意今日暫時低位5.27元，係咪下降軌嘅支持水平。