【Now財經台】今日首日掛牌嘅檸萌影視(09857)股價「潛水」，一度低見26.55元，較招股價27.75元，低逾4.3%，騰訊控股(00700)附屬公司Tencent Mobility係檸萌上巿前投資者，公司過去3年都有錢賺，其中去年純利增長21%，睇基本面檸萌似乎好穩陣，呢隻股份係咪有一定投資價值？
華盛証券分析師聶振邦指，投資者嘅關注點都會放喺檸萌有冇錢賺，但內地嘅影視公司唔係每間都有強勁嘅盈利基礎，不過，檸萌喺2019至2021年呢3年間，扣除上巿開支及公允值等支出，仍然有錢賺，到今年第1季虧損前仲賺緊錢，增長亦好顯著，因此，公司未來1至2年嘅前景係值得睇好。
