【股市脈搏】新銳突爆升宜保持「車距」

【Now財經台】新銳醫藥(06108)今朝高開後，一度挫逾9%，低見0.14元，但股價下晝異動，一度抽升逾45%，高見0.224元，收市報0.205元，升逾33%，全日成交金額逾4500萬元。

其實新銳今日大升冇消息推動，可能大市氣氛差，資金轉炒價殘股，加上集團就快出中期業績，都可能吸引資金炒返轉。雖然新銳下晝成交一下子增多，股價亦急升，臨近收市更嘗試挑戰日內高位，但成交量唔多，對上一次單日交投忽然增加已經係一個月前，雖然新銳今日大升，但14天RSI只係處於45水平，反映股價後市走向難料。