【Now財經台】內房股佳源國際控股(02768)向8名認購方發可換股債券(CB)，初步換股價較上周五收市價，有逾56%溢價，股價今日早段一度逆市衝高逾17%，其後升勢無以為繼，但呢單交易仲未成事，股價反應係咪太大？今次呢批CB係有8個認購人，呢方面又釋出咗一個咩訊息？
《香港股票財技密碼》作者梁杰文指，可能部分投資者嘅解讀相對樂觀，但條款其實唔係咁理想，加上今日都有一啲細內房傳出壞消息，所以佳源股價只係短暫亢奮。
Mike又話，喺佳源前景充滿不確定性嘅同時，又有一批投資者願意認購呢批CB，雖然年期短及利息又高，但市場都會好奇點解會咁睇好佳源前景，同埋願意用咁嘅價錢去認購CB，本來以為通告會交代，但因為上市規則所限，只要認購人數多過6個人，就唔需要交代投資者背景及認購數量，某程度上係一個漏洞，因為...
