【股市脈搏】盈喜股建發或退守$18

【Now財經台】建發國際集團(01908)今朝低開逾1%後，跌勢持續，股價一度低見19.4元，跌逾4.6%，雖然中午發咗盈喜，預期上半年最少多賺1.5倍，但都股價完全冇幫助，收市報19.62元，跌近3.6%，全日成交金額逾3500萬元。

建發股價今年累升近19%，跑贏同業兼跑贏大市，單計6月累升逾20%，但值得留意係，建發月初出現圓頂走勢，可能累積一定升幅後，資金可能喺發盈喜前出貨，但暫時仲守得住20天線，下個支持位可留意50天線，即18元水平。