【Now財經台】浙江世寶(01057)低開逾2.5%後,愈跌愈深,一度低見2.15元,最終以接近全日低位收市,報2.17元,跌逾21%。
浙江世寶AH股噚日收市後出通告,指深交所勒令A股停牌,因A股連續3個交易日收市升幅偏離值累計達20%以上,因此,須停牌就股價異動進行核查。
至於H股成交亦轉趨活躍,唔計今日,股價喺過去13個交易日累升68%,雖然股價大幅炒上,但基本面其實冇乜改善,公司第1季仲轉蝕逾400萬人仔。
受A股停牌消息拖累,H股今日失守10天線,短線支持下望20天線,即2元水平,跟今日低位只相差約7%。