【Now財經台】中教控股(00839)日前公布咗2022至2023學年招生學額，帶挈教育股造好，其中多隻更升足5日。此外，據摩根士丹利嘅統計顯示，多家高等及職業教育今年招生規模明顯增加，教育股近日嘅強勢，係咪一個轉勢訊號？
紅蟻資本投資經理李澤銘指，自去年中內地「雙減」政策出台後，投資者基本上都唔睇民辦教育，近日突然有消息傳出，先發現高等教育、職業教育經營環境仍然穩定，增長亦有望持續，尤其政府來年擴大高等教育招生名額，睇返內地4月失業數據，16至24歲失業人口比率達18%，提升高等教育普及率，會係解決青少年失業問題嘅方法。
Alan估計，中央扶持高等教育嘅力度及政策有機會加大，投資者可能依家先發覺喺呢個背景下，高等教育同職業教育相關股份好平，亦有助修復估值。
