【Now財經台】日清食品(01475)中午出咗首季業績，按年少賺3%，唔派息。不過，上季純利仍然係過去4季表現最好嘅一季。日清喺業績報告解釋，收入增加主要受惠於香港需求反彈，同埋日圓貶值，呢份業績巿場又收唔收貨？
紅蟻資本投資經理李澤銘指，呢份業績都算過得去，香港收入都有驚喜，因為上季本地疫情嚴峻，巿民對即食食品需求增加，帶挈相關業務收入錄得增長。
Alan話，雖然日清股價今日表現麻麻，但同業績冇乜關係。佢又指，雖然港元兌日圓喺4月開始升值，但麵類製品原材料如棕櫚油價格上升，估計第2季業績先會反映到相關影響。
