我的股票

    名稱 現價 升跌

    資料報價延遲十五分鐘

    【股市脈搏】閱文55元IPO價料有阻力

    【分析】 2020/05/18 17:09

    【Now財經台】閱文集團(00772) 今朝曾偏軟,不過中午前開始有資金流入,下午發力最多升17%,高見48.8元。收市報47.25元,升一成三。成交都配合到,有超過10億元,成交股數為過去100日同時段平均成交增加3.6倍。

    閱文上個月27號公布管理層大換血,將會由母公司騰訊(00700)嘅副總裁空降做CEO兼執董,股價翌日急升14%。不過隨後就爆出迫作家簽霸王條款嘅事件令股價落返30元左右位置。之後公司話會同作家再簽新合同,又話會探索免費閱讀模式,上星期五收市之後亦出咗個股份獎勵計劃,會派4500萬股俾員工,希望激勵同埋挽留人才。不過亦要留意番,呢啲股份有效期長達10年,亦都未有列明行使價及員工對象。

    閱文銳意改革,股價近日已經升破咗2019年至今大約40元嘅阻力位,圖表分析下個阻力位可以上望60元,不過IPO價55元相信都有一定阻力。而且以2閱文依家嘅PE已經去到約40倍,股價要衝上60元,PE就超過50倍,比母公司騰訊仲要高。睇周線嘅RSI,則啱啱先升到上70超買區,似乎都仲有時間炒業績憧憬‥‥

    想睇更多財經消息

    相關股票