我的股票

    名稱 現價 升跌

    資料報價延遲十五分鐘

    標籤: 分析00002

    【息賺】五月份該如何部署吸納高息股?

    【分析】 2020/05/04 15:42

    【Now財經台】今集《息賺》利用彭博終端機,揀咗市值超過1000億元、股息超過3厘,而且喺四月升幅超過5%嘅本港上市股份,睇下四月份邊啲高息股跑出。榜上有名嘅似乎都係內房股較多,而傳統高息股--中華電力(00002)亦重新上榜。疫情加上貿易戰嘅憂慮,「食息一族」可以點樣部署呢?

    安泓投資總監兼香港大學房地產及建設系客席副教授楊書健就認為,有部分發展商慢慢轉型向收租業務發展,甚至分拆物業管理業務,呢類嘅業務同典型內房股嘅盈利模式會有唔同。長遠嚟講投資者應該要睇清楚唔同發展商嘅業務分布先好入市。

    中電方面,雖然現時經濟較差,不過用電始終都係生活必需,算係比較穩陣嘅選擇。至於本地銀行股,Victor亦認為業務較穩陣,雖然派息有機會減少,但相信唔會完全取消。

    Victor亦都話,現時疫情似乎稍為緩和,加上特朗普爭取連任,相信喺貿易戰議題方面未必會過分進取。加上歐洲有望解除封城,對市場短線都比較樂觀,有望炒上。

    想睇更多財經消息

    相關股票

    編號名稱
    00002中電控股