我的股票

    名稱 現價 升跌

    資料報價延遲十五分鐘

    【布局9+2 檢閱大灣區】部署內房股唔止睇土儲

    【分析】 2019/04/11 16:42

    【Now財經台】大灣區發展規劃公布以來,以喺區內土儲佔比較高嘅內房較受市場青睞。但大灣區喺規劃上其實暫時未有特別針對內房嘅措施,到底依家落實大灣區規劃對內房有咩好處?

    交銀國際聯席董事兼房地產研究主管謝騏聰表示,現有大灣區措施主要目的係整合產業,同埋增加人口流動性,呢啲都可以帶動住房需求。佢又指,發改委日前宣布放寬內地戶藉政策,估計港澳、深圳周邊嘅城市會比較受惠,因為從農村出嚟嘅人,負擔唔起一線城市嘅生活成本,就會流去周邊有基建配套嘅衛星城市。

    另外,謝騏聰建議,部署大灣區內房股時,其實可以留意有較多舊改項目嘅企業,例如龍光地產(03380)、時代中國(01233)同中國奧園(03883)等,因為有關項目成本平,而且毛利率高。

    想睇更多財經消息