【環球金融快線】日財團買百年老字號余仁生有咩啟示？

【Now財經台】據《彭博》報道，日本三井物產(Mitsui & Co)跟樂敦製藥(Rohto Pharmaceutical Co.)聯手，收購總部喺新加坡嘅余仁生國際，收購估值逾46億港元。根據交易協議，三井物產及樂敦會成立合資公司，交易完成後，前者持股30%，後者則持股60%，而余氏家族會以再投資方式持股10%，估計交易6月完成。今次收購估值對中藥企業前景有咩啟示？隨著日本經濟好轉，日企未來係咪會繼續藉收購擴海外版圖？

高富金融集團投資總監梁偉民指，雖然收購估值僅幾億美元，但反映市場認為中藥企業有一定發展空間，完成收購後，合資公司有可能安排上市，並透過這類收購拓展亞洲及內地市場。

Ｗyman又話，日股近年大升，日企有強大嘅資產負債表及現金流，有本錢做收購，不過，今次余仁生唔代表日企有大舉進軍海外嘅趨勢，其中1個原因係日圓太弱，會推高收購成本，令日企缺乏做大Deal嘅意欲。