【期匯決算】拜登擬大加華鋼鋁關稅僅選戰口號?

【Now財經台】美國總統拜登(Joe Biden)或加中國鋼鋁關稅3倍，刺激鐵礦石價格隔晚(17日)升近3%。事實上，4月至今鋁價升幅已跑贏銅及鎳，如果美國真係大加中國關稅，鋁價會唔會繼續跑贏基本金屬？

獨立商品外匯分析師熊俊傑指，受到早前英國、美國對俄羅斯嘅銅、鋁、鎳制裁，相信鋁價短期會持續高企。至於拜登擬大幅加中國鋼鋁關稅，Ken認為，要密切留意美國總統大選嘅選情，現時拜登有機會為咗回應當地工會，先至話考慮大加關稅。