【期匯決算】加拿大減息要睇聯儲局頭

【Now財經台】加拿大央行議息結果今晚(10日)出爐，估計好大機會連續6次會議維持利率不變，市場反而關注今次會議會唔會喺減息預期方面著墨更多，又認為加拿大央行減息幅度或比美國聯儲局大，或令加元進一步被抛售，不過，油價近期偏強，會唔會為加元帶來支持？

東亞銀行財富管理部高級投資策略師黃燕娥認為，睇返經濟條件，相比聯儲局，加拿大央行更有減息本錢，因為當地通脹已達央行目標水平，加上美國經濟較穩定及理想，加拿大央行更有減息嘅迫切性。據利率期貨顯示，加拿大央行喺6月或7月減息嘅機會較大，並相信會跟隨聯儲局減息意向嘅可能性較大。