【期匯決算】油價短期有機見9字頭？

【Now財經台】聯儲局主席鮑威爾(Jerome Powell)日前「放鷹」，指減息要視乎通脹，加上中東緊張局勢未有緩和跡象，令市場對通脹回升嘅憂慮再度升溫，係咪令油價易升難跌？美國會唔會出手阻油價升勢？

MAX Online亞太區業務總監杜浩霆指，油價未升到90美元，美國應該冇咁快出手，但都要睇整個環球變局，因為市場對產油國嘅消息特別敏感，所以敘利亞大使館被空襲呢啲消息，會令油價短期會繼續強勢。

Perry又話，早前石油出口國組織與盟友(OPEC+)會議冇話會進一步大規模減產，但指出會向冇遵守承諾嘅國家施壓，令供應下跌，利好油價，睇返日線圖，油價上升期初突破83美元後，下個大位已經係90美元，所以佢話，踏入第2季，夏天開始油需求應會增加，短線買盤會重現，市場可以暫時睇83美元至90美元區間。