【期匯決算】金價短線或回落至2150美元

【Now財經台】美元強勢對金價冇太大影響，上月個人消費開支(PCE)物價指數符預期，帶領金價衝上每盎司2265美元嘅高位，不過，其後因為製造業數據大幅改善，令減息預期降溫，回落至2230美元樓下。金價無視美元強、債息升及可能減息慢等因素，點解讀呢個情況？金價後市係咪要等埋今個星期稍後出爐嘅就業數據，先會有明確方向？

信誠證券及期貨投資服務部董事蕭猷華指，美元2月中開始轉強，金價已經唔跟美元走勢，逾1個月前已升穿歷史高位2265美元，依家黃金處於超賣狀態，估計短期會出現調整，下一個阻力位睇2280至2300美元，短線會落返2150美元水平。