【期匯決算】可可期貨價有機升至10000美元

【Now財經台】可可期貨價格3月大幅飆升，原因係出現供應缺口，現價仲貴過銅價，最新有消息指，全球第2大可可生產國加納嘅可可委員會「缺水」，未能向種植可可嘅農民支付費用，若供應問題持續惡化，可可期貨價格會升到咩水平？

信誠證券及期貨投資服務部董事蕭猷華認為，可可期貨價格好大機會升至每噸10000美元，因為現時可可豆供應短缺問題非常嚴重，單係加納及象牙海岸已佔咗70%產量，可可豆除受極端天氣影響外，可可樹產量跟唔上進度係另一個主因。