【期匯決算】人仔突急挫同人行有關？

【Now財經台】人仔今早(22日)突然急挫，離岸價一度轉弱逾500點子，在岸價就跌穿7.2支持位，人仔突然急速貶值，係咪同區內央行加息行動有關？

瑞穗銀行首席亞洲外匯策略師張建泰指，相信兩者冇乜關係，主要係人民銀行想試水溫，因為今年各大主要央行似乎已定咗6月或7月減息，市場估計，一旦美國聯儲局減息，人行就有空間容許中間價喺7.2水平以外波動。此外，今日在岸價跌穿7.2，中間價就繼續企喺7.1，約2%嘅交易區間令人仔最多貶值至7.24，所以好大機會係人行想測試市場反應，認為貶值空間喺可控範圍。