【期匯決算】油價有力挑戰90美元？

【Now財經台】受俄羅斯煉油廠遇襲，以及石油輸出國組織(OPEC)第2大出口國伊拉克擬減少出口刺激，紐約期油升穿每桶83美元，倫敦布蘭特期油亦升穿87美元，齊齊衝上去年10月底以來高位，值得留意係，紐油已出現形態突破，MACD又出現黃金交叉。

環球期貨交易所客席講師鍾俊鏘表示，油價去年底已呈上升趨勢，最近喺之前嘅阻力，即79美元反覆試穿，雖然OPEC及沙地亞拉伯等不時傳出減產，但市場實際減產數量存疑。佢認為，近期地緣政治對油價嘅影響較大，而俄羅斯煉油廠受襲料導致全球原油供應每日減少35萬桶，再配合技術走勢及指標，不排除油價見90美元。