【息賺】跟「股神名單」入貨要留意...

【Now財經台】「股神」巴菲特(Warren Buffett)第4季持股名單上周出爐，最矚目係減持咗少量蘋果公司(Apple)股份，另外加注兩隻石油股，包括西方石油(Occidental Petroleum)和雪佛龍(Chevron)，美股派息唔算吸引，參考「股神」呢份名單後，投資者應該點部署？

香港大學房地產及建設系客席副教授楊書健指，「股神」嘅10大持股股息率都較低，但佢大部分收入來自巴郡(Berkshire Hathaway)持有嘅上市公司持股，僅約20%係靠收股息。對一般投資者來講，股息收入比人工多40%至50%就算係理想，因此，唔使刻意追求高息率，即使股息低，但每年有增長已值得考慮。

Victor又指，若以財務自由年薪20倍為目標，可以考慮買股息率約4至5厘嘅股票，增加現金流。不過，參考巴菲特持股名單入手低股息股票，就未必做到年薪20倍，但長遠而言，股息仍有增長空間，資金部署要視乎投資者傾向短線，還是長線利益而定。