【息賺】諗Sir:政府增收入有「幾座大山」幫到手

【Now財經台】早前，財政司司長陳茂波喺電台訪問中提及，政府研究過資產增值稅，隨即惹來熱烈討論，其後財爺澄清現階段冇條件開徵資產增值稅，市場之前反應咁大，因為本港稅制係支持本港國際金融中心地位、吸引外資嘅關鍵因素之一。若開徵資產增值稅，最受影響係咪業主？樓市交投及樓價持續下跌，對稅收影響唔細，係咪令政府陷入兩難局面？

成家網上投資課程導師徐冠鴻認為，政府想開徵資產增值稅，但對象未必係物業，以2023年12月物業成交金額342億元為舉例，假設一半買賣係有錢賺，即171億元要徵稅，若業主平均獲利20%，即涉及34.2億元，假設徵收10%資產增值稅，即3.4億元，假設每個月都係相同金額，即全年可提供40.8億元稅收，即使稅率推高到20%，相對於政府過去幾年逾6000億元支出，即使資產增值稅收逾80億元，都唔係一個大數目。

諗Sir認為，香港係一個拍賣及公司買賣交易嘅場地，呢啲環節都可以徵稅。佢又話，除咗薪俸稅、入息稅等收入，其實仲有「幾座大山」，包括博彩稅、差餉及外匯基金為港府每年提供嘅收入，都可以考慮喺呢幾方面入手。此外，馬會每年向政府畀多咗逾20億元足球博彩稅，少過賽馬博彩稅，而本港未來都有唔少足球盛事，政府都可以喺呢方面著墨。

樓市方面又點樣可以幫到手，包括全面「撤辣」刺激交投？諗Sir就認為…