【息賺】公用股「股災月」表現好因為...

【Now財經台】港股喺傳統10月「股災月」要跌，但災情唔算嚴重，睇返10月，市值500億元、息率3厘以上，表現最好前3隻股份中，有兩隻係醫藥股，包括石藥集團(01093)及中國生物製藥(01177)，其他包括本地地產股及公用股，資金追入呢啲股份，係咪反映美國加息周期已經完結？

香港大學房地產及建設系客席副教授楊書健認為，美國加息預期短期的確係降咗溫，有數據顯示，預期聯儲局12月會加息嘅機率由40%跌至20%，美股上星期升咁多，似乎係因為聯儲局嘅論述改變咗，而聯儲局認為美國經濟唔會陷入衰退，都係一個立場上嘅轉變。

Victor指，根據過往經驗，愈大戶嘅投資者就愈係密密收集，所以目標都係榜上較穩陣嘅公用股等，以股數計，由2020年初至今已增加咗1倍。佢又指，其實唔見有規模特別大嘅操作，純粹係用收到嘅股息再買貨，因為呢啲股份穩陣，甚至有個股係加派息。