【息賺】港股第4季點睇？

【Now財經台】恒生指數上周再試今年低位，10月開局，內地「超級黃金周」出行消費等不似預期，最新以巴戰事又升級，衝突已踏入第3日，暫時都冇平息跡象，消息會唔會令第4季金融市場發展更難掌握？點睇港股第4季市況？

香港大學房地產及建設系客席副教授楊書健指，恒指第3季累跌6%，主要受經濟負面消息影響，疫後反彈力度弱。此外，港元息口反覆上升，升至接近全年高位，以往港元同業拆息(HIBOR)同港股走勢背馳，HIBOR一跌，港股就彈，HIBOR一升，港股就跌，但過去兩個月，港股走勢同HIBOR關係慢慢弱化，反映市場已消化港元高息環境，以及疫後反彈疲弱等消息，佢認為，恒指走勢已趨向穩定，估計第4季只會在幾個百分比區間上落。

Victor又話，以巴局勢對油價嘅影響最直接，不過，政局變化可以好大，但預期市況嚟緊會持續波動。