【FINTERVIEW】資金偏好呢類「中特估」概念股

【Now財經台】雖然港股今個月表現麻麻，但富時中國A50指數及上證紅利指數雙雙創今年新高，跑贏A股及港股指數，而成分股包括國有商業銀行、能源及資源股，係咪反映市場繼續追捧「中特估」概念板塊？

農銀國際證券研究部主管陳宋恩指，呢個現象的確比較普遍，雖然有唔少不利消息，但投資者始終要做資產部署，當中又偏向增持較多能源股，因為見到能源價格喺第1季持續向上，而第2季有機會進一步攀升，業績都比較樂觀，亦反映咗投資者今年資產配置偏好。

Philip又話，銀行股方面，利潤上升及分紅增加，亦係吸引投資者其中1個原因。