我的股票

    名稱 現價 升跌

    資料報價延遲十五分鐘

    標籤:地產

    【蝸居百科】舊屋翻新

    【地產】 2020/03/28 14:07

    【now.com財經】舊樓翻新,超支似係必然?

    其實,只要你避免下列四大舊樓翻新陷阱,超支危機必定大為減少。

    陷阱一:粗枝大葉

    舊樓翻新,低估成本,司空見慣。其實,當妳要為舊樓翻新時,一張比較仔細嘅裝修成本明細表,的確能夠幫妳控制成本,避免超支。

    當然,妳仲要巨細無遺,不厭其煩咁去跟進工程每一步,喺每個小環節都做好成本控制。

    如果妳諗著自己藝高人膽大,討厭細節,咁超支一定必然。

    陷阱二:過份樂觀

    對舊樓樂觀,係大忌。有時單憑肉眼觀察,未必揾到舊樓風險所在。妳覺得客廳大方得體,其實係上手將騎樓封蓋起來,裝修到成為客廳一部份,肉眼一啲都睇唔出。

    另外,廁所、廚房搭咗出天井,都係常見僭建。妳收樓時,照單全收;到要翻新時,逐件還原計數。

    陷阱三:從零開始

    舊樓翻新美妙之處,係妳唔使從零開始。妳只要去蕪存菁,物盡其用,咁就可以。

    例如,上手業主留低嘅堅固入牆衣櫃,妳油返力架,上實纙絲,又可以用上十年、八年。

    陷阱四:預算太緊

    舊樓翻新,預計唔到發生嘅事,多不勝數。廚房去水喉突然爆裂,要整條換新嘅。廁所天花漏水,又要補漏。

    總之,你打好翻新成本,再加兩成應變同埋翻新得法,舊樓往往比新樓好住。

    蝸居達人邵存希