【名家給力場】美銀行股勝在「襟升」值得留意

【Now財經台】美股牛市已持續近年半，標普500指數今年累升9.4%，而升得最靚就係科技股板塊，喺經濟「軟著陸」憧憬下，金融類指數表現係第4好，上升動力係來自美股IPO市場今年氣氛好轉，邊啲金融股又可以睇高一線？

資深投資者莫家強指，大型投資銀行股如摩根大通、高盛、摩根士丹利嘅股價都開始升，如果嚟緊美國減息，會令借貸成本下降，有利企業加快上市，推高上市估值，可以推動大型銀行股盈利增長，股價亦會上升，雖然上升動力唔大，但仍值得留意，因為預期未來1至2年會慢慢咁升上去。

Alex又話，Reddit係1隻上市集資金額好細嘅股份，但上市後成為市場焦點，若小型公司上市後表現好，大型企業就會相繼上市，例如Stripe、Databricks、Canva及SpaceX，如果上市規模大嘅股份成功上市，估值提升，市場會願意投資，推動更多大型企業上市，打造巨大嘅財富效應。