標籤:分析
【名家給力場】日本加息未必令資金回流
【分析】 2024/03/19 15:46
【Now財經台】日本央行一如預期結束負利率政策,17年以來首次加息,日圓匯價不升反跌,係咪因為美日息差擴濶令日圓受壓?會唔會影響環球資金流動?
資深經濟師羅家聰指,日圓匯價受美日息差影響,估計喺美國及日本「一減一加」下,息差最多只收窄約1厘,日圓只會行10格左右,即匯價只會見140水平,最盡都只會係137至138水平。
KC認為,暫時仍有借日圓買日股嘅情況,由於都要借日圓買上去,日股表現都唔算好獨特,亦要留意日股可能因應外圍市場而出現調整,因為喺低息及貶值壓力下,唔少資金都流出,除非其他股市嘅回報明顯唔及日股,否則,資金都會流出日本。